بسم الله الرحمن الرحيم
السلام عليكم ورحمة الله وبركاته


أسعد الله أوقاتكم، حبيت أشارككم طرقي لتطوير الأنجليزيةواللي بصراحه فادتني كثير لأن كلنا شايلين هم التحضيرية واللغة الأنجليزية اللي تلعب دور كبير في المعدل .


في البداية لعمل أي شيء تحتاجون همه وعزيمة وهذا هو المطلوب علشان تستمرونن في تطوير لغتك لازم يكون عندكم إصرار أنكم تتعلموا واللغة ممارسة وتكرار فمطلوب منكم أنكم تكررون اللي تعلمتوه علشان تثبت المعلومات ولازم تخصصون على الاقل لونصف ساعه كل يوم (فقليل دائم خير من كثير منقطع ).

هاذي الطرق اللي أستخدمتها وإلى اللحين الحمد لله مامليت منها :

1- 5 كلمات:
في بداية كل يوم أكتبوا 5 كلمات أو أكثر (على راحتكم ) بالعربي والي ماتعرفوا معناها بالأنجليزي في دفتر ومن ثم ترجموها ورددوها وحاولوا أستخدامها في كلامكم اليومي هاذي الطريقه تفيدكم في زيادة عدد المفردات .


2- درب نفسك:
فكروا أو كلموا نفسكم بصوت عالي بالأنجليزي (طبعا لو كنتوا لوحدكم مانبي احد يقول عنا مجانين ) وبعدين سجلوا صوتكم لملاحظة الأخطاء ،هاذي الطريقه بتفيدكم في تحسين النطق للكلمات وزيادة الطلاقة في اللغة ولو ماعرفتوا كلمه ترجموها وضيفوها لدفتر المفردات .

3- ويكيبيديا :
في موقع ويكيبيديا فيه Simple English (إنجليزي بسيط )
بيساعدكم من ناحية تطوير القراءة يجيب لكم كلمات سهله وبسيطه وغالبا يساعد في مراجعة وزيادة عدد المفردات .

4- دولينجو :
تطبيق دولينجو مفيد وفيه تذكير لتدريباتكم اليوميه لكن عيبه ان مافيه شرح ممكن يفيدكم في مراجعة المفردات .

5- موقع هل تعلم :
موقع هل تعلم مذكور فيه خطوات لتعلم أي لغه وقنوات مفيده في اليوتيوب وموقع لعرض أفلام وتعلم إنجلش في نفس الوقت .

http://haltaalam.info/article/?s=%D8...B2%D9%8A%D8%A9

الموقع بشكل عام ممتع وفيه كثير مواضيع حلوه ومعلومات تدهشكم (لكن انتبهوا لايضيع وقتكم ).

6- موقع فرصة باقية
وموقع TalkEnglish (تحدث الانجليزية ) :
يساعدونك في تطوير الاستماع فمثلا (فرصة باقية)يذكر فيه قنوات في اليوتيوب لتعلم الإنجلش من الصفر ،وفي (TalkEnglish) وضع لكن عدة شروحات للمفرادت والقواعد وأيضا إختبارات وشرح للإستماع .

موقع TalkEnglish
http://ar.talkenglish.com

موقع (فرصة باقية )
http://www.phorsa.com/2013/07/%D8%A3...8%D8%AF%D9%88/


7- كتابة موضوع :
في نهاية كل أسبوع أكتبوا أي شيء مثلا ايش صار لك في هذا الاسبوع ، ايش حلمك ، ليش تتعلموا إنجليزي او اي شيء في بالك هذا الشيء راح يطور عندكم الكتابة.



آسفه على الإطاله لكن أتنمى أن الموضوع عجبكم وإن شاء الله يبفدكم ولو شوي وأسأل الله ان يزيدنا علما وينفعنا بما علما وينفع بنا.